الرئيسية / الدواجن و الأرانب / اعلاش ﺍﻟﺪﺟﺎﺝ ﺩﻳﺎﻟﻲ ﻣﺎﺑﻘﺎﺵ ﻛﻴﻌﻄﻴﻨﻲ ﺍﻟﺒﻴﺾ ؟

اعلاش ﺍﻟﺪﺟﺎﺝ ﺩﻳﺎﻟﻲ ﻣﺎﺑﻘﺎﺵ ﻛﻴﻌﻄﻴﻨﻲ ﺍﻟﺒﻴﺾ ؟

ﺍﻟﺪﺟﺎﺝ ﺍﻟﺒﻠﺪﻱ ﻣﻦ ﺑﻴﻦ ﺍﻟﻤﺸﺎﺭﻳﻊ ﺍﻟﺼﻐﻴﺮﺓ ﺍﻟﻤﺮﺑﺤﺔ ﻭ ﺍﻟﻠﻲ ﺑﺪﺍ ﻛﻴﺴﺘﺜﻤﺮ ﻓﻴﻬﺎ ﻋﺪﺩ ﻛﺒﻴﺮ ﻣﻦ ﺍﻟﺸﺒﺎﺏ ﺑﺸﻜﻞ ﻫﺎﻭﻱ ﺃﻭ ﺍﺣﺘﺮﺍﻓﻲ ﺑﺤﻜﻢ ﺃﻧﻪ ﻣﺸﺮﻭﻉ ﻻ ﻳﺤﺘﺎﺝ ﻟﺮﺃﺱ ﻣﺎﻝ ﻛﺒﻴﺮ ﻭ ﻓﻴﻪ ﺭﺑﺢ ﺳﺮﻳﻊ ﻣﻘﺎﺭﻧﺔ ﺑﻤﺸﺎﺭﻳﻊ ﺗﺮﺑﻴﺔ ﺍﻟﺤﻴﻮﺍﻧﺎﺕ ﺍﻷﺧﺮﻯ، ﻭ ﺍﻟﻐﺮﻳﺐ ﻓﻲ ﺍﻷﻣﺮ ﺃﻧﻬﻢ ﻛﻴﻌﺘﻘﺪﻭ ﺃﻧﻪ ﻣﺸﺮﻭﻉ ﺳﻬﻞ ﻓﻲ ﺍﻟﺘﺴﻴﻴﺮ ﻭ ﺃﻥ ﺃﻱ ﻭﺍﺣﺪ ﻳﻤﻜﻦ ﻟﻴﻪ ﻳﺴﻴﺮ ﻫﺎﺩ ﺍﻟﻤﺸﺮﻭﻉ، ﻟﻜﻦ ﺃﺻﺤﺎﺏ ﺍﻹﺧﺘﺼﺎﺹ ﺩﺍﺋﻤﺎ ﻳﺤﺬﺭﻭﻥ ﻣﻦ ﻓﺦ ﺍﻟﻐﺮﻭﺭ ﻭ ﺍﻟﺘﺴﺮﻉ ﻓﻲ ﺍلإﺳﺘﺜﻤﺎﺭ ﻓﻲ ﻫﺎﺩ ﺍﻟﻤﺠﺎﻝ.
ﻭ ﻣﻦ ﺑﻴﻦ ﺍﻟﻤﺸﺎﻛﻞ ﺍﻟﺸﺎﺋﻌﺔ ﻋﻨﺪ ﻣﺮﺑﻲ ﺍﻟﺪﺟﺎﺝ ﺍﻟﺒﻠﺪﻱ ﻫﻮ ﺍﻟﺪﺟﺎﺝ ﻣﺎﺑﻘﺎﺵ ﻛﻴﻌﻄﻴﻬﻢ ﺍﻟﺒﻴﺾ ﻛﻴﻔﻤﺎ ﻛﺎﻥ ﻓﻲ ﺍﻷﻭﻝ ، ﺃﻭ ﻓﻲ ﺑﻌﺾ ﺍﻟﺸﻬﻮﺭ ﻣﻦ ﺍﻟﺴﻨﺔ ﺃﻭ ﻛﻴﻌﻄﻲ ﺑﻴﺾ ﺻﻐﻴﺮ ﺃﻭ ﻓﻴﻪ ﻣﺸﻜﻞ ﻣﻌﻴﻦ … ﺑﻄﺒﻴﻌﺔ ﺍﻟﺤﺎﻝ ﻫﺎﺩﺷﻲ ﺭﺍﺟﻊ ﻟﻤﺠﻤﻮﻋﺔ ﻣﻦ ﺍﻷﺧﻄﺎﺀ ﺍﻟﻠﻲ ﻛﻴﺮﺗﻜﺒﻬﺎ ﻣﺮﺑﻲ ﺍﻟﺪﻭﺍﺟﻦ ﻓﻲ ﺗﺴﻴﻴﺮ ﺍﻟﻤﺸﺮﻭﻉ ﻭ ﻳﻤﻜﻦ ﻧﻠﺨﺼﻬﺎ ﺑﺎﺧﺘﺼﺎﺭ ﻓﻲ ﺍﻟﻨﻘﻂ ﺍﻟﺘﺎﻟﻴﺔ:
ﺩﺭﺟﺔ ﺍﻟﺤﺮﺍﺭﺓ
ﻭﺍﺧﺎ ﺍﻟﺪﺟﺎﺝ ﺍﻟﺒﻠﺪﻱ ﻣﻌﺮﻭﻑ ﻋﻠﻴﻪ ﻛﻴﻘﺎﻭﻡ ﺩﺭﺟﺔ ﺍﻟﺤﺮﺍﺭﺓ ﺍﻟﺒﺎﺭﺩﺓ ﻭ ﺍﻟﺴﺨﻮﻧﺔ ﻓﻲ ﻧﻔﺲ ﺍﻟﻮﻗﺖ ﻣﻘﺎﺭﻧﺔ ﺑﺎﻟﺪﺟﺎﺝ ﺍﻟﺮﻭﻣﻲ ﻭ ﻟﻜﻦ ﻛﻴﻔﻀﻞ ﻳﻌﻴﺶ ﻓﻲ ﺩﺭﺟﺔ ﺍﻟﺤﺮﺍﺭﺓ ﺗﻜﻮﻥ ﻣﻌﺘﺪﻟﺔ ﻣﺎ ﺑﻴﻦ 22 ﻭ 24 ﺩﺭﺟﺔ ﺑﺎﺵ ﻳﻘﺪﺭ ﻳﻌﻄﻲ ﻣﻨﺘﻮﺝ ﻓﻲ ﺍﻟﻤﻘﺎﺑﻞ، ﻫﺎﺩﺷﻲ ﻋﻼﺵ ﺧﺎﺹ ﻳﻜﻮﻥ ﻋﻨﺪﻱ ﻣﻴﺰﺍﻥ ﺩﻳﺎﻝ ﺍﻟﺤﺮﺍﺭﺓ ﻓﻲ ﺍﻟﻜﻮﺭﻱ ﺩﻳﺎﻟﻲ ﺑﺎﺵ ﻧﺮﺍﻗﺐ ﺍﻟﺤﺎﻟﺔ ﺩﻳﺎﻝ ﺍﻟﺪﺟﺎﺝ ﺩﻳﺎلي ﻭ ﻧﻌﺮﻑ ﺃﺷﻨﻮ ﻫﻲ ﺍﻟﺘﺪﺧﻼﺕ ﺍﻟﻠﻲ ﺧﺎﺻﻨﻲ ﻧﺪﻳﺮ ﻓﻲ ﻛﻞ ﻣﺮﺣﻠﺔ ﻓﻲ ﻛﻞ ﻳﻮﻡ.
ﺍﻹﺿﺎﺀﺓ
ﺍﻟﻠﻲ ﻣﻌﺮﻭﻑ ﻋﻨﺪ ﻫﻮﺍﺓ ﻣﺮﺑﻲ ﺍﻟﺪﺟﺎﺝ ﺍﻟﺒﻠﺪﻱ ﻫﻮ ﺃﻥ ﺍﻹﻧﺘﺎﺝ ﺩﻳﺎﻝ ﺍﻟﺒﻴﺾ ﻛﻴﻨﻘﺺ ﻓﻲ ﻓﺼﻞ ﺍﻟﺸﺘﺎﺀ ﻣﻘﺎﺭﻧﺔ ﻣﻊ ﻓﺼﻞ ﺍﻟﺼﻴﻒ، ﻭ ﻟﻜﻦ ﺍﻷﻏﻠﺒﻴﺔ ﻣﺎﻋﺎﺭﻓﻴﻨﺶ ﺍﻟﻤﺸﻜﻞ ﻋﻼﺵ، ﻭ ﻓﻌﻼ ﻫﺎﺩﺷﻲ ﺭﺍﺟﻊ ﻟﻤﺸﻜﻞ ﺍﻹﺿﺎﺀﺓ ﻷﻥ ﺍﻟﺪﺟﺎﺟﺔ ﻛﺘﺤﺘﺎﺝ 16 ﻟﺴﺎﻋﺔ ﺩﻳﺎﻝ ﺍﻟﻀﻮﺀ ﻓﻲ ﺍﻟﻨﻬﺎﺭ ﺑﺎﺵ ﺗﻘﺪﺭ ﺗﻨﺘﺞ ﻟﻴﻚ ﻛﻞ ﺑﻴﻀﺔ ﻭ ﺑﻤﺎ ﺃﻥ ﻓﺼﻞ ﺍﻟﺸﺘﺎﺀ ﺗﺎﻳﻜﻮﻥ ﺍﻟﻨﻬﺎﺭ ﻗﺼﻴﺮ ﺑﻤﻌﺪﻝ 8 ﺳﻮﺍﻳﻊ … ﻓﻀﺮﻭﺭﻱ ﺧﺎﺻﻨﻲ ﻧﻜﻤﻞ ﻟﻴﻪ 4 ﺍﻟﺴﺎﻋﺎﺕ ﺇﺿﺎﻓﻴﺔ ﺩﻳﺎﻝ ﺍﻟﻀﻮﺀ ﻓﻲ ﺍﻟﻜﻮﺭﻱ.

ﺍﻟﺘﻐﺬﻳﺔ

ﺍﻟﺪﺟﺎﺝ ﺍﻟﺒﻠﺪﻱ ﻳﻤﻜﻦ ﻟﻴﻪ ﻳﺄﻛﻞ ﺃﻱ ﺣﺎﺟﺔ ﻋﻄﻴﺘﻴﻬﺎ ﻟﻴﻪ ﺳﻮﺍﺀ ﻛﺎﻧﺖ ﻧﻘﻴﺔ ﺃﻭ ﻣﻮﺳﺨﺔ ﺣﻴﺚ ﻣﺎﻋﻨﺪﻭﺵ ﺣﺎﺳﺔ ﺍﻟﺪﻭﻕ ﻭ الهدف ﺩﻳﺎﻟﻮ ﻫﻮ ﻳﻌﻴﺶ، ﻭ ﻟﻜﻦ ﺇﺫﺍ ﺑﻐﻴﺖ ﺍﻟﺪﺟﺎﺝ ﻳﻌﻄﻴﻨﻲ ﺍﻟﺒﻴﺾ ﻣﺰﻳﺎﻥ ﺧﺎﺻﻨﻲ ﺿﺮﻭﺭﻱ ﻧﻌﻄﻴﻪ ﻣﺎﻛﻠﺔ ﻧﻘﻴﺔ ﻭ ﻣﺘﻮﺍﺯﻧﺔ ﻭ ﻣﻜﻤﻼﺕ ﻏﺬﺍﺋﻴﺔ ﺑﺤﺎﻝ ﺍﻟﻜﺎﻟﺴﻴﻮﻡ ﻭ ﺍﻟﻔﻴﺘﺎﻣﻴﻨﺎﺕ ﻭ ﺍﻷﻣﻼﺡ ﺍﻟﻤﻌﺪﻧﻴﺔ ﺣﻴﺚ ﻫﺎﺩﺷﻲ ﻛﺎﻣﻞ ﻛﻴﺘﺪﺧﻞ ﻓﻲ ﺍﻟﺘﻜﻮﻳﻦ ﺩﻳﺎﻝ ﺍﻟﺒﻴﻀﺔ ﻭ أي ﺣﺎﺟﺔ ﻛﺎﻧﺖ ﻧﺎﻗﺼﺔ ﻏﺎﺩﻱ ﺗﻜﻮﻥ ﺍﻟﻨﺘﻴﺠﺔ ﺍﻟﺒﻴﺾ ﻧﺎﻗﺺ كذلك.
ﻭ ﺑﻄﺒﻴﻌﺔ ﺍﻟﺤﺎﻝ ﻛﻠﻤﺎ ﻛﺎﻧﺖ ﺍﻟﺪﺟﺎﺟﺔ ﻗﺮﻳﺒﺔ ﺗﻜﻤﻞ ﺳﻨﺘﻴﻦ ﻓﻲ ﺍﻟﻌﻤﺮ ﺩﻳﺎﻟﻬﺎ ﻏﺎﺩﻱ ﻳﻨﻘﺺ ﺍﻹﻧﺘﺎﺝ ﺩﻳﺎﻟﻬﺎ، ﻳﻌﻨﻲ ﺧﺎﺻﻨﻲ ﻧﺒﻴﻌﻬﺎ ﻭ ﻧﻌﺘﻤﺪ ﻋﻠﻰ ﺩﺟﺎﺝ ﺑﺎﻗﻲ ﺻﻐﻴﺮ ﺑﺎﺵ ﺣﺘﻰ ﺇﺫﺍ ﺧﺴﺮﺕ ﻋﻠﻴﻪ ﺍﻟﻔﻠﻮﺱ ﻏﺎﺩﻱ ﻧﻌﺮﻑ ﺃﺷﻨﻮ ﻏﺎﺩﻱ ﻧﺮﺑﺢ ﻣﻨﻮ.

ﻭ ﺍﻟﻤﻬﻢ ﻓﻲ ﻫﺎﺩﺷﻲ ﻛﺎﻣﻞ ﻫﻮ ﺍﻟﺮﺍﺣﺔ ﻭ ﺍﻟﻬﺪﻭﺀ ﻓﻲ ﺍﻟﻜﻮﺭﻱ ﺣﻴﺚ ﺍﻟﺪﺟﺎﺝ ﻣﻜﻴﺒﻐﻴﺶ ﺍﻟﻠﻲ ﻳزعجو ﺩﻳﻤﺎ ﺑﺎﺵ ﻣﺎﻳﺪﺧﻠﺶ ﻓﻲ ﻣﺮﺣﻠﺔ ﺍﻟﻘﻠﻖ ﺍﻟﻠﻲ ﻛﺘﺄﺛﺮ ﻋﻠﻰ ﺍﻹﻧﺘﺎﺝ ﺩﻳﺎﻝ ﺍﻟﺒﻴﺾ.

شاهد أيضاً

إنتاج البيض البلدي

تطرقنا في موضوع سابق إلى “تربية ديوك الدجاج البلدي” و اليوم سنتكلم عن إنتاج البيض …